CARACAS (AFP).- Oposishon venezolano despues di un enkuentro ku lidernan polítiko ayera, a eksigí un reforma di tur e podernan públiko dje pais, entre kua esun elektoral. Esei ta pa garantisá e próksimo elekshon den e pais.
E representantenan polítiko a ratifiká e tésis di “ousensia apsoluto” dje eks-mandatario Nicolas Maduro, despues di a kumpli e periodo di 90 dia ku ta keda menshoná den Konstitushon. Na ta eksigí dje presidente den funshon Delcy Rodriguez pa “restablesé e garantianan konstitushonal” i konvoká elekshonnan.
E entidat Plataforma di Unidat Demokrátiko ku ta agrupá ocho partido di oposishon a presentá “un ruta” pa alkansá un “transishon demokrátiko” den Venezuela. E konvokatorio nashonal di ayera ku a konta ku partisipashon di komo 40.000 aktivista presente di forma personal i virtual, ta e promé ku ta keda realisá pa e aliansa polítiko despues di e elekshon kuestioná di Maduro den 2024. For di despues di esei e fuerte represhon ofisial i e detenshon di dirigentenan, a obligá hopi hende pa eksiliá i bai biba di forma klandestino.
