PRISTINA, KOSOVO, AP.- Un legislador opositor na Kosovo a usa gas lakrimógeno djamars pa opstakulisá trabou di un komishon parlamentario tokante un akuerdo na frontera ku Montenegro. Aktivistanan pafó di e edifisio tabata tira piedra kontra e ofisina di gobièrnu.
Un atakante no identifiká a lansa un eksplosivo kontra e kas di e hefe di komishon estatal pa e akuerdo na frontera, segun e promé minister Isa Mustafa. E eksplosivo a wòrdu hañá pa polis i niun hende a resultá heridá.
Oposishon tabata opstakulisando e trabounan di parlamentarionan desde sèptèmber usando gas lakrimógeno i lansando bòternan di awa pa protestá kontra e akuerdo ku Montenegro i un otro ku Serbia ku ta duna mas poder na e serbionan den Kosovo. E protestanan di oposishon normalmente ta terminá ku konfrontashon ku polis.
E akuerdo a wòrdu apr obá dj amars pa un komishon ku apoyo di solamente par l amentarionan di mayoria di gobièrnu. Parlamento ta bai vota riba e akto e siman aki.
Oposishon ta bisa ku e ta preokupá ku Kosovo ta bai pèrdè tereno debí na e akuerdo i a menasa ku si gobièrnu no retirá esaki, “e situashon ta bai sali di kòntròlieresistensiata bira mas duru ku nunka”.
