SAN JOSE, Costa Rica (AFP).- “Mi yu tabatin mas ku 50 perforashon di bala na su kurpa”, segun mama di un opositor venezolano kende a muri huntu ku seis otro persona na 2018 durante di un operashon polisial. E mama a hasi e deklarashon ei den Korte Interamerikano di Derechinan Humano (Korte IDH). E tribunal ta buska pa determiná responsabilidat di Estado venezolano pa aparente “ehekushonnan pafó di korte”.
E víktimanan tabata forma parti di un grupo opositor dje tempu ei, presidente Nicolas Maduro, kende awor ta prezu na Merka. “E morto di mi yu tabata horibel, e tabatin mas ku 50 perforashon na kurpa i tambe hinkánan”, segun Zeila Agostini, mama di Abraham Agostini (33), kende ta un di esnan ku a pèrdè su bida.
“Kasi tur tabatin tiru na kabes”, segun e señora eksiliá na Costa Ria, kaminda tin e sede di Korte IDH. E organisashon Movimiento Equilibrio Nacional, di kua Agostini a forma parti, tabata liderá pa Perez, un èks piloto di polis hudisial venezolano. Perez (36) a protagonisá insidentenan armá promé di e keda matá dia 15 di yanüari di 2018 den un zona grandi di mondi pafó di Caracas. El a transmití riba su retnan sosial parti dje operashon polisial den yanüari den kua e i otro integrantenan dje grupo a muri.
