WILLEMSTAD. – Softy Water Distributed by BioPack by T&T a spònser AGKK kantidat grandi di bòter di awa pa por uza durante di marchanan di mucha i “teener”.
Propietario di Softy Water riba su propio inisiativa a aserká presidente di AGKK i a ofresé nan kantidat di kaha di awa. Djasabra den oranan di mainta e kompania aki a hasi entrega di un kantidat grandi di bòter awa na AGKK.
Esaki ku e intenshon pa yuda gruponan di mucha i teener durante di e marchanan. E gesto aki a keda altamente apresiá dor di e organisashon mirando ku awa ta algu esensial pa nos muchanan i hóbennan durante di e marchanan.
Softy Water ta un awa nobo ku resientemente a keda introdusí riba merkado. E bòternan di awa aki ta bin na 3 diferente tamaño i ta keda representá pa BioPack by T&T.
