WWASHINGTON, AP.- Un orángutan di Borneo a nase den zoológiko Nashonal di Merka. Esaki ta e promé den e parke di animal den 25 aña.E mama, un orángutan di 19 aña yamá Batang, a duna lus djaluna, segun indikashon di funshonarionan djamars den un komunikado.
E personanan di e zoológiko ta kouteloso i optimista ku e miembro nobo di e espesie den peliger ta kontinuá bon. Batang ta kuidando di su beibi, kual por a wòrdu mirá subiendo riba su mama.
Batang i Kyle, tambe di 19 aña, a logra reprodusí den wenter, despues ku e asosiashon di Zoológiko i Akuar io a duna rekomendashonnan di reprodukshon.
Un personal di e parke tabata preparando pa maternidat di Batang e último tres añanan aki. Dos gorila mas a wòrdu di train pa aktua komo ayudante den kaso ku Batang no por òf no kier kria su yu.
E sindikato Internashonal pa Prevenshon di Naturalesa a bisa ku e orángutan di Borneo i Sumatra ta den peliger pa disparsé kompletamente for di Mundu.
