WILLEMSTAD.- Orco Bank, den kolaborashon ku Universal Motors, lo organisá un Car Sales Event ku KIA i Nissan riba djasabra 14 di mart 2026, for di 9:00 di mainta te ku 3:00 di atardi na showroom di KIA i Nissan den Saliña.
Den e periodo promé ku e evento, ta invitá públiko pa bishitá e showroom pa mira e modelonan mas nobo di KIA i Nissan i prepará nan mes pa e oportunidat speshal di finansiamentu ku lo ta disponibel solamente pa un dia. Klientenan por mira e outonan disponibel i pone nan dokumentonan na òrdu promé ku 14 di mart, 2026.
Riba e dia di e evento, e tim di Retail i Credit di Orco Bank lo ta presente pa duna orientashon inmediato tokante opshonnan di finansiamentu. E personanan outorisa pa duna aprobashon lo ta disponibel pa duna pre-aprobashon riba e mesun dia, pa asina bishitantenan por tuma un desishon informá ku konfiansa.
Komo parti di e evento, Orco Bank lo presentá kondishonnan eksklusivo di finansiamentu ku ta bálido solamente riba 14 di mart. Esakinan ta inkluí interes atraktivo, plasonan di pago te ku shete aña i finansiamentu te ku 100% di e balor di e vehíkulo. Opshonnan di seguro tambe lo ta disponibel na e mesun lugá pa ofresé un eksperensia kompleto i kumbiniente.
E evento ta habrí pa kliente eksistente i tambe pa esnan ku ainda no ta kliente di Orco Bank. Klientenan nobo lo tin e oportunidat pa habri un kuenta di koriente òf spar durante e evento.
Pa fasilitá e proseso di aplikashon, bishitantenan ta wòrdu animá pa trese un identifikashon bálido, e último tres slep di salario, e último tres ‘statement’ di kuenta bankario, un prueba di adrès i huntu ku e “car order”. Klientenan por hasi uzo di i e Car Loan Calculator riba www.orcobank.com pa kalkulá nan gastunan mensual adelantá.
E Car Sales Event aki ta forma parti di e kompromiso kontinuo di Orco Bank pa sostené su kliente den logra nan metanan di mobilidat i pa fortalesé su kolaborashonnan den e sektor automotris aki na Kòrsou.
Pa mas informashon tokante Orco Bank, por bishitá https://www.orcobank.com/. Pa keda al tanto di postnan diario siguí nos riba Facebook https://www.facebook.com/OrcoBank i LinkedIn https://www.linkedin.com/company/orco-bank/.
