komo spònser di aktividatnan pa hubentut durante Innovation Week 2025
WILLEMSTAD.- Orco Bank ta masha kontentu pa anunsiá su ròl komo spònser pa aktividatnan pa hubentut pa e Innovation Week 2025 ku a tumá lugá resientemente, organisá pa Curaçao Innovation & Technology Institute (CITI). E kolaborashon stratégiko aki ta reflehá Orco Bank su kompromiso kontinuo ku desaroyo di hubentut, inovashon i kresementu ekonómiko inklusivo na Kòrsou.
Innovation Week 2025, ku ta tuma lugá tur aña, ta un seri di aktividatnan dinámiko ku ta inspirá i prepará tur sektor di komunidat – for di mucha skol, startup te senior – ku e hèrmènt i mentalidat pa habri nan mes pa inovashon. E edishon di e aña aki a tuma lugá den aprel, den konmemorashon ku e International Creativity & Innovation Day dia 21 di aprel.
Komo spònser di e aktividatnan pa hubentut, Orco Bank ta kontribuí na duna hóben nan e oportunidat pa partisipá den programa aktivo i inspiradó, ku ta introdusí nan na kreatividat, teknologia i emprendementu den un ambiente inklusivo i stimulante. For di tayer di programashon te workshop di “design thinking”, tur e aktividatnan aki ta fundamental pa forma e siguiente generashon di inovadó na Kòrsou.
“Na Orco Bank, nos ta kere ku e futuro di Kòrsou ta den kreatividat i potensial di nos hubentut. Dor di invertí den inisiativa enfoká riba inovashon manera Innovation Week di CITI, nos ta planta simia di posibilidat ku por bira e emprendedó i solushonadó di problema di mayan,” segun Abigail Paula, Head of Retail Banking Orco Bank.
E kolaborashon ku CITI komo spònser di hóben nan ta kuadra netamente ku e balornan di Orco Bank: empoderashon, desaroyo i pensamentu proaktivo. Ku un presensia fuerte den komunidat, Orco Bank ta sigui defendé oportunidatnan ku ta stimulá kuriosidat, inspirá aprendisahe i yuda forma lidernan di futuro.
Pa mas informashon tokante Orco Bank, por bishitá https://www.orcobank.com/. Pa keda al tanto di postnan diario siguí nos riba Facebook https://www.facebook.com/OrcoBank i LinkedIn https://www.linkedin.com/company/orco-bank/.
