Abigail Paula i Giselle Goilo di Orco Bank a splika
WILLEMSTAD.- Despues di un promé edishon super eksitoso, ‘Orco Bank AutoXperience 2026’ ta bèk, ku un kampaña spesial di fiansa di outo ku lo dura dos siman, kuminsando dia 21 di sèptèmber te ku dia 3 di òktober. E kampaña lo finalisá ku e gran evento ‘AutoXperience 2026’ riba djasabra 3 di òktober, ku lo kuminsá di 6:00 PM pa 9:00 PM riba e tereno di Orco Bank, na Landhuis Cerrito.
Durante e dos simannan di kampaña, personanan ku ta interesá den un outo nobo por probechá di kondishonnan spesial di finansiamentu, kombiná ku ofertanan di e diferente agensianan di outo ku lo formá parti di Orco Bank AutoXperience 2026.
Klientenan por probechá di 0% na man, finansiamentu te ku 7 aña, interes spesial i e posibilidat pa kumpra awor i kuminsá paga na aprel 2027. Tambe durante e periodo di kampaña, Orco Bank ta ofresé un proseso di aprobashon den 24 ora, pa yuda klientenan pasa di soña ku un outo nobo, pa sinta tras di stür den un fregá di wowo!
E dos simannan lo kulminá den un gran evento di benta di outo: AutoXperience 2026, kaminda ku Landhuis Cerrito lo keda transformá pa un anochi den un “One-Stop Auto Shop”. 14 Agensia di outo di Kòrsou lo ta presente ku nan vehíkulonan i diferente oferta speshal, pa asina e bishitantenan haña e oportunidat pa mira, kompará i skohe nan próksimo outo na un kaminda.
Pero e eksperensia no ta terminá ku skohementu di un outo so, e tim di Orco Bank lo ta presente pa guia kliente i bishitante ku kalkulashon di nan pago mensual, yuda prosesá dokumentonan i esnan ku ta kumpli ku tur e rekisitonan, por risibí aprobashon riba e mesun anochi.
Pa e proseso por kana mas lihé, ta rekomendá tur hende ku kier apliká, pa bin prepará ku e siguiente dokumentonan:
3 último ‘bank statements’
3 último slep di salario
Identifikashon i reibeweis lokal bálido
Karta di trabou aktual
Car Order
I naturalmente, AutoXperience 2026 tin un sorpresa mas! Tur fiansa ku keda aprobá durante e periodo di kampaña, lo partisipá outomátikamente den un rifa pa por gana XCG15.000 òf XCG10.000 kèsh. E dos ganadónan lo keda anunsiá dia 2 di novèmber 2026.
Ku AutoXperience, Orco Bank ta reuní komunidat, agensianan di outo, finansiamentu, seguro i aprobashon den un solo eksperensia, hasiendo e proseso di kumpra un outo nobo mas fásil i kumbiniente.
Pa mas informashon i kondishonnan aplikabel, bishitá www.orcobank.com/AutoX.
Apliká online AWE MES pa bo finansiamentu i pasa serka nos na Orco Bank situá Landhuis Cerrito dia 3 di òktober pa forma parti di ‘AutoXperience 2026’.
Abigail Paula i Giselle Goilo ku a duna informashon di e evento grandi aki
