CABO SAN LUCAS.- Estadonan na e parti sùitwèst di Merka a kuminsá prepará for di masha dia pa yega na e orkan Hilary, i esaki a pasa ku basta forsa riba djasabra. Nan a spera áwaserunan torensial i inundashon na e parti kosta ku Mexico kaminda outoridatnan a duna di konosé ku tabatin kaso fatal kaba. Den su parti mas intenso Hilary a alkansá kategoria 4. Ya pa djadumingu mainta ya el a bira un orkan di kategoria 1 ku bientunan di alrededor di 80 mia pa ora, miéntras e tabata move den direkshon nort pa Mexico, pa e península di Baja California.
Ta spera ku lo tin inundashon i kondishonnan menasante pa bida di hende, asina e agensia sentral di orkan na Merka a duna di konosé den un atvertensia. Un persona a muri na Mexico despues ku su vehíkulo a ser lastrá dor di e koriente di awa riba kaya, pero tambe tabatin atvertensianan ku lo por a nifiká ku ta sera kamindanan na Baja California. Meteorólogonan ta spera ku Hilary lo a yega tera firme den e próksimo dos dianan lagando un kantidat di awa na rason di 10 inch (25 cm) riba partinan di Mexico, California i Nevada, di akuerdo ku e agensia.
