NEW YORK, MERKA, AFP.- Kasnan a keda destruí pa bientu i inundashonnan, infrastruktura daña, empresa i establesimentunan agríkola a keda para; e orkan Ian por kosta kompanianan di seguro te ku 47 mil mion di dòler i lo afektá e kresementu di Merka, segun e promé kálkulonan.

Segun e konstruktor spesialista CoreLogic, e pèrdidanan debí na bientu ku a daña kasnan i edifisionan lo alkansá algun 22 mil pa 32 mil mion di dòler pa e kompanianan di seguro, miéntras e pèrdidanan debí na inundashonnan por yega te 6 mil pa 15 mil mion.

“Ta trata di e tormenta mas kostoso na Florida for di despues di orkan Andrew na 1992. Un sifra rèkòrt di kas i propiedat a bai pèrdí pa e karakterístikanan intenso i destruktor di e orkan Ian”, asina CoreLogic a bisa den un komunikado.

South Carolina

I miéntras tantu orkan Ian a subi tera na South Carolina na e parti sùit ost di Merka, ku bientunan fuerte, áwaseru torensial i awa ku ta subi di forma peligroso despues di a suta parti di Florida.

E orkan di kategoria 1 a bati Georgetown, South Carolina, den e promé oranan di atardi, kompania di bientunan di te asta 140 kilometer pa ora segun e sentro nashonal di Orkan ku sede na Miami.

LAGA UN KOMENTARIO

Please enter your comment!
Please enter your name here