Orkan Michael direkshon pa Florida

Olanan ta dal kontra di e pir di piska Okaloosa na isla Okaloosa na Fort Walton Beach Florida ayera....

MIAMI, AP.- Michael a intensifiká awe riba e awa kayente di Golf di México i ta avansando komo orkan kategoria 2 miéntras tin temor ku e lo sigui gana forsa promé ku e mishi ku tera na Florida i bira kategoria 3 òf asta mas.

A saka òrdunan di evakuashon obligatorio miéntras abitantenan di e playanan ta klabando nan kasnan sera djis algu promé ku e gòlpi devastador.

Un avion ku ta midi orkan a drenta den e wowo di Michael miéntras e tabata krusando e punta oksidente di Cuba djaluna anochi i a deskubrí ku su bientunan ta subiendo. Pa awe mainta 8 or e bientunan máksimo tabata 155 kilometer pa ora i ta pronostiká ku e ta birando mas fuerte ku bientunan di te asta 179 kilometer pa ora kapas di kousa dañonan devastador.

SHARE

LEAVE A REPLY