Shofùr lo a bai pasa outo i pèrdè kontrol
ORANJESTAD.-Polis di Aruba ta informá, awe djasabra mèrdia, ku for di hospital a drenta informashon ku un dama ku a resultá herida den tráfiko a fayesé. Ta trata di un dama shofùr di 27 aña nase na Aruba 19 mei 1998.
Informashon ku polis di Aruba ta suministrá ta mustra ku djárason último, 4 di mart, sentral di polis a haña notifikashon di un aksidente ku a tuma lugá riba e kaminda di Seru Tijshi. Un outo a bòltu i e shofùr a keda heridá. Mesora a dirigí patruya di polis, ambulans i tambe spesialistanan di tráfiko na e sitio. Polis a topa ku un outo Daihatsu Boon, kolo shinishi. E shofùr tabata herida. Informashon kompilá ta indiká ku e shofùr lo a bai pasa outo i na dado momentu l a pèrdè kontrol. Ambulans a yega na e sitio, stabilisá e shofùr i a transport’é pa hospital pa kuido avansá.
Hospital a informá awe mèrdia ku dòkter a konstatá morto di Gilliane Russiane Albert. Forsa na e famia.
