WILLEMSTAD – Un kaso lamentabel un biaha mas di un persona ku ta bin pèrdè su bida den un kandela di kas. Tabata den oranan di mèrdia ku vários patruya i bomberonan mester a dirigí nan mes pa un kas den Montecarmelo ku tabata kompletamente na kandela. Na yegada a bin nota ku ainda tabatin un hende hòmber den e kas i a purba di tur manera pa saka esaki for di kas pero no a logra. Informashon preliminar ta mustra ku aki tambe ta trata di un persona ku ta sufri di un òf otro hèndikèp. Ora a logra yega serka e víktima a konstatá ku ya e no tabata duna señal di bida mas. Dr. Maduro a yega na e sitio pa konstatá morto. Outoridatnan a kuminsá mesora ta hasi investigashon den e kaso lamentabel aki. No mas ku siman pasa tabata dos persona ku tambe a pèrdè nan bida den un kandela den nan kas.

LAGA UN KOMENTARIO

Please enter your comment!
Please enter your name here