NEW YORK (AFP).- Hustisia norteamerikano a posponé di 17 pa 26 di mart e próksimo oudiensia dje eks-presidente venezolano Nicolás Maduro. E motibu dje solisitut pa kambio di fecha, presentá ku aprobashon dje defensa di e eks-presidente i konsedé pa e hues enkargá ku e kaso, ta ku ministerio públiko a referí na “problemanan di planifikashon i logístika”, sin duna detaye.
Den su promé komparesensia dilanti di hustisia norteamerikano dia 5 di yanüari, dos dia despues di su kaptura den un operashon militar na Caracas, Maduro (63) a deklará su mes inosente di akusashon di tráfiko di droga i a bisa di ta un “prezu di guera”. Su kasá, Cilia Flores (69), tambe lo komparesé dilanti di tribunal dia 26 di mart.
Maduro, ku a goberná Venezuela entre mart di 2013 i yanüari di 2026, a keda sustituí di forma interino pa esun ku tabata su vise presidente for di 2018, Delcy Rodriguez.
