CARACAS, VENEZUELA, AP.- E oudiensia di apelashon di e dirigente Leopoldo Lopez a keda posponé ayera pa segundo bia den ménos di un luna debí ku no a konkretá su traslado pa tribunalnan.
“Nos ta bai sigui buska kontinuidat pa libertat di Leopoldo Lopez”. Asina Juan Carlos Gutierrez, un di su abogadonan a sigurá, ku e defensa ta insistí ku e mester keda apsolbé di su kondena.
Lopez, kende ta detené desde 28 luna kaba ta den un prison militar, i no por a enfrentá hustisia atrobe debí ku e militarnan enkargá di su kustodia no a traslad’é desde su sentro di detenshon te na e sede di tribuna, den sentro di kapital. Esaki ta debí na un protesta ku a generá riba kaminda, segun indikashon di Gutierrez.
Esaki ta di dos biaha den ménos di un luna ku oudiensia di apelashon di Lopez ta keda posponé, kende ta sperando di eksigí anulashon di kondena di kasi 14 aña di prison pa promové protestanan den e kapital den luna di febrüari na aña 2014.
Esaki a laga tres morto i vários persona heridá. E promé oudiensia di apelashon, di 20 di yüni, a keda kanselá debí ku e hues ku ta atendé e kaso a bira malu.