HONG KONG, CHINA, AFP.- Hong Kong a bolbe introdusí medidanan di distansiamentu sosial djaluna pa kombatí e oumento resien di Corona vírus. Outoridat a prohibí tur reunion di mas di kuater persona i ta rekerí pa tur pasahero usa masker den transporte públiko òf riska un but 650 dòler.
E siudat lo sera algun negoshi i restorantnan a wòrdu restringí na e orario ku por hasi entrega. E region finansiero ta un di e promé siudatnan pa wòrdu afektá ku Corona vírus despues ku el a surgi den sentro di China.
E siudat no a reportá sifranan haltu di infekshon ku solamente 1.400 kaso di Corona vírus i ocho morto. Den e último dos lunanan, outoridat no a registrá ningun transmishon lokal. Sin embargo, den e último dos simannan un plamamentu di 180 infekshon lokal a surgi i ofisialnan ta argumentá ku kisas e malesa aki ta plamando sin wòrdu detektá den un siudat densamente poblá. E siudat a bisa ku diesdos tipo di negoshi mester a sera.
Outoridat a indiká ku uso di masker a bira obligatorio den transporte públiko i esun ku ninga di hasi esaki lo haña un but di 650 dòler.
