TULCAN, ECUADOR, AP.- E venezolano Marianni Luzardo a logra krusa pa Ecuador despues ku el a kana durante kasi 16 ora huntu ku su mama i dos mucha, sin servisio básiko.

Luzardo ta un di e míles di venezolanonan ku ta hui for di e krísis sosial i ekonómiko di nan pais i buska un mihó kalidat di bida den nashonnan bisiña di Venezuela.

“Nos a bandoná Venezuela pasó einan no tin manera di biba, ya no tin futuro. Pero na momentu ku mi a yega frontera,  e problema a bira e kantidat di personanan ku ta wardando pa krusa”.

Luzardo ta parti di e grupo di 3.000 pa 3.500 persona ku ta presentá na frontera ekuatoriano, 150 kilometer na nortost di Quito, pa drenta e pais. E fluho di migrantenan anterior a konsistí di mas o ménos 1.500 migrante diario. Mayoria ta purba yega Perú, Chile, Argentina i Brasil.

E oumento a wòrdu impulsá pa e desishon di gobièrnu peruano pa eksihí pasport i visa humanitario for di djasabra.

E kolonia venezolano ta esun mas grandi na Ecuador, ku 300.000 persona di kual kasi 40.000 a drenta entre yanüari i mei, segun sifranan ofisial.

E fluho di migrante na frontera di Perú tambe ta sigui krese.

Venezolanos esperan afuera de una oficina de migración en el puente Rumichaca después de cruzar la frontera de Colombia a Rumichaca, Ecuador, el miércoles 12 de junio de 2019. (AP Foto / Dolores Ochoa)

LAGA UN KOMENTARIO

Please enter your comment!
Please enter your name here