BOGOTA, COLOMBIA, AFP.- Un atentado ku un outo bòm a laga un morto i por lo ménos 4 persona heridá dilanti di un edifisio di sede ofisial i di derechinan humano na Saravena, un munisipio kolombiano ku ta na frontera ku Venezuela, kaminda ehérsito a manda trupanan resientemente, asina outoridatnan a informá.
E atake a sosodé promé ku mei anochi di djárason i a keda hasi pa guerieronan ku a marginá e akuerdo di pas ku Forsanan Arma Revolushonario di Colombia FARC, segun un komunikado di mando militar.
E vehíkulo a eksplotá dilanti di e edifisio ofisial i un sede di derechinan humano, kaminda mas promé a tuma lugá un reunion ku lidernan sosial.
E eksploshon a mata un vigilante i a herida kuater persona mas ku a keda trasladá pa hospital di Saravena. E atentado “tambe a afektá diferente edifisio komersial, kende nan propietarionan awor ta evaluando e kantidat di pèrdida ekonómiko”, asina ehérsito a agregá.

LAGA UN KOMENTARIO

Please enter your comment!
Please enter your name here