WASHINGTON, AP.- Outoridat federal a desbaratá un estafa di 1.200 mion dòler di Medicare, e programa gubernamental merikano di asistensia médiko pa ansianonan, kual tabata bende aparatonan ortopédiko innesesario na míles di ansiano atraves di algun call centre den estranhero.
Departamento di Hustisia ta demanda 24 persona den Merka, entre nan vários dòkter akusá di preskribí reseta i otro artefakto na pashèntnan ku no tabatin mester di esaki. E otro akusadonan ta inkluí e doñonan di call centre i kompanianan di ekipo médiko.
E arestonan a wòrdu realisá djamars mainta.
E divishon antifroude di Medicare a bisa ku lo demandá 130 fabrikante di ekiponan médiko impliká den e kaso.
Outoridat a deskribí esaki komo un “ret internashonal di telemarketing” ku sentronan na Filipina i den diferente pais den Latinoamérika.
