BOGOTA, COLOMBIA, AFP.- Outoridat elektoral di Colombia a kuminsá ku un investigashon kontra kampaña presidensial di Gustavo Petro pa finansiamentu ilegal, meimei di un skandal di tende yamadanan di forma ilegal i chantahe.
E èks embahador di Colombia na Venezuela, Armando Benedetti, i èks man drechi di e mandatario, Laura Sarabia, mester paresé dilanti e organisashon riba 13 di yüli pa “finansiamentu ilegal” di e kampaña di Petro, segun indikashon di Konseho Elektoral Nashonal.
Benedetti i Sarabia, ku tabata pertenesé na un sirkulo yegá di e presidente, a wòrdu separá for di gobièrnu djabièrnè pa motibu ku e kaso a yega na nivel di un skandal nashonal.
Revista Semana a publiká un grabashon den kual ta skucha Benedetti furioso i menasando Sarabia, èks hefe di gabinete, pa motibu ku el a revelá finansiamentu ilegal di e kampaña di Petro na balor di 3,5 mion dòler i a sigurá ku si esaki ta e kaso, nan tur ta bai prizòn.
E presidente a sigurá riba Twitter ku gobièrnu no a duna òrdu pa “interseptá telefòn, ni entradanan hudisial ilegal i no a risibí plaka ilegal den su kampaña”.
Den un mensahe riba Twitter, e èks embahador a sigurá ku e oudio ku Semana a publiká “a wòrdu manipulá” i a pidi “diskulpa na e presidente” i na Sarabia “pa e agreshon i atake”.
