Outoridatnan a hasi 35 detenshon den área di Karnaval

WILLEMSTAD. – Kuerpo  Polisial ku demas kuerponan uniformá a realisá kòntròl preventivo riba 170 persona (150 hòmber i 20 hende muhé) i a hasi 35 detenshon. E kontròlnan realisá ta segun ordenansa nashonal 2006 Ministerio Públiko por indiká un área na unda polis por buska arma ilegal di forma dirigí. En konekshon ku esaki outoridatnan a hasi kòntròl preventivo riba persona riba e ruta i den e área di aktividatnan di karnaval.

Detenshon:

Outoridatnan a hasi trintisinku( 35 ) detenshon.

Polis a detené 11 persona pa posishon di droga

Polis a detené 6 persona pa menasa

Polis a detené 2 persona pa menasa i pa motibu ku nan no por a presentá un identifikashon

Polis a detené 1 persona pa maltrato

Polis a detené 5 persona pa motibu di resistí aresto, opstrukshon i no sigui òrdu di outoridat

Polis a detené 1 persona (shofùr) di vehíkulo pa motibu ku su dokumentonan no tabata na òrdu i e no tabatin hèlm bistí

Polis a detené 5 persona pa motibu ku nan no tabatin e dokumentonan nesesario di e vehíkulo òf no ta den posishon di un reibeweis

Polis a detené 2 persona pa posishon di un arma (no arma di kandela)

Polis a detené 1 persona pa buracheria públiko

Polis a detené 1 persona pa motibu ku nan no por a presentá un identifikashon bálido.

Kuerpo Polisial ku demas kuerponan uniformá ku ta traha huntu ta satisfecho ku e proyekto ‘aktua robes, sintié un bes’ ku ta kanando hopi bon.

SHARE

LEAVE A REPLY