Taksistanan a blòkia un terminal na aeropuerto internashonal di Méhiko, komo protesta kontra dje presensia di Uber.
CIUDAD DE MEXICO (AFP).- Outoridatnan mehikano a anunsiá ayera di lo pone guardianan nashonal na aeropuerto dje kapital mehikano pa evitá e operashon di servisionan di transporte manera ku ta tresiendo hopi protesta serka taksistanan. E sistema di e.o. Uber a krese faltando ménos ku 100 dia pa start di Kopa Mundial 2026 den Estadio Azteca dje kapital, pa kua ta spera miónes di turista.
“Ku e meta pa para e operashon di servisionan no regular di transporte na tera, kuminsando djaweps 12 di mart, Guardia Nashonal lo ta presente, segun aeropuerto di Ciudad de Mexico, atministrá pa militarnan.
E terminal aéreo ayera tabata esenario di protestanan i blòkiamentu di kaminda di parti di taksistanan, ku tin dékadanan ta operá i kendenan ta denunsiá un kompetensia no leal di parti di plataformanan di transporte riba yamada. Taksistanan ta akusá kompanianan manera Uber i Didi di no ta kumpli ku reglanan severo, entre nan, pago di impuesto i pèrmit.
Den un komunikado, Uber a nenga di ta un “plataforma iregular”, mustrando riba e echo ku ya nan tin 13 aña ta operá na Méhiko i ku nan a konta ku un veredikto legal ku ta outorisá nan pa operá den terminal di aeropuertonan.
Na e momentonan aki e servisionan manera Uber por baha pasaheronan na aeropuerto, pero ke prohibí nan pa kue pasahero na aeropuertonan.
