WILLEMSTAD.- Outoridatnan ta investigando un ofisina spesial adaptá pa “gambling” ku a keda deskubrí.

Ta trata aki di un ofisina ku vários “server” instalá. Probablemente e “servernan” aki ta kaminda ku e tráfiko di “gambling” ta kore.

Na yegada di e funshonarionan a topa ku un persona femenino ku no por a splika ken ta responsabel pa e ofisina aki ni tampoko e “negoshi”. Aparentemente e lo ta un simpel trahadó. Loke a keda konstatá, ta ku e negoshi no tin ningun klase di pèrmit, tin molèster di zonido ku ta sali for di e mashinnan, no ta registrá na ofisina di impuesto i tambe ta hòrta koriente.

Aqualectra a presentá na e sitio i mesora a plama tur e konekshonnan ilegal.

A sera e establesimentu aki i para tur operashon miéntras ku lo investigá pa sa kiko eksaktamente ta tumando lugá na e ofisina aki i ku e sistema di “Gambling” aki ta unu legal.

LAGA UN KOMENTARIO

Please enter your comment!
Please enter your name here