Outoridatnan ta konfiská ‘crosser’ i mariwana kla pa benta den Juan Domingo

WILLEMSTAD – Awe den oranan trempan di manta outoridatnan a hasi vários entrada hudisial. Ta trata aki di un kompleho di kas ku ta riba e mesun adrès. Den un di e entrada nan a bin konfiská un ‘crosser’ i hasi detenshon di un dama. Tabata e tim di reshèrshi VVC ku a okupá nan mes ku e investigashon aki. Riba pregunta di outoridatnan tokante un ‘crosser’ na e kas, e dama no por a duna un splikashon konkreto i pa e motibu aki a bai ku e ‘crosser’  i hiba e detenido warda di polis pa mas interogashon. Na e di dos kas outoridatnan a bin topa den bòter ku tabata kla pa bai kaya pa benta. Den e kaso aki tambe a hasi detenshon di dos persona.