MERKA.- Ayera nochi a tuma lugá den Mandalay Bay Events Center na Las Vegas, Nevada otro edishon di Latin Billboard 2019.
Marc Anthony, Ozuna, Luis Fonsi, J Balvin, Rosalia, Sean Paul, Bad Bunny ta entre e artistanan ku a presentá durante dje show, pero ta Ozuna ta esun ku a sali for di porta grandi ku un total di 11 galardon.
E ‘reggaetonero’ a kibra e rèkòrt pa mas tantu galardon riba un anochi, pero tambe el a kousa un impakto grandi ku su presentashonnan.
Romeo Santos no por a kere ku el a gana di Marc Anthony, Carlos Vives i Prince Royce den un kategoria, pero el a logra pa gana e galardon pa e artista solista Tropikal di Aña.
Den su spich, e kantante di 37 aña a bisa ku e saku músika urbano tin su momentu aworakí i ku e mes a benefisiá di esaki, pero artistanan di e género tropikal mester sigui traha duru.
Juan Luis Guerra a risibí ayera nochi un tributo ku presentashon di ‘Burbujas de Amor’ dor di Kate Garcia, Fonseca a presentá ‘La Travesia’ i Pedro Capo a presentá ‘Ojala que llueva Cafe’. Na final dje presentashon Juanes a subi riba tarima pa presentá e leyenda musikal ku un galardon spesial, ‘Lifetime Achievement Award’.
Guerra a risibí un ‘standing ovation’ i despues el a gradisí su famia, su tim i República Dominicana.

LAGA UN KOMENTARIO

Please enter your comment!
Please enter your name here