WILLEMSTAD.- Ozzie Albies su bate a zona bon ayera den triunfo di Atlanta Braves. E hóben di Koraal Specht a liga su di 12 honron di temporada i tabatin un anochi di kuater hit den sinku turno. El a empuhá 2 kareda i skor 2x. Su averahe awor ta di .257 i e tin 38 RBI.
Kenley Jansen tabatin hopi trabou djasabra, mirando akshon den un ‘double header’. Promé el a logra su di 12 salbá ku un inning di 1 hit i 3 strike out. Pero den di dos wega si nan a kue ku palu, ku tres hit i nan a skor 3 kareda pa un ‘blow save’ i su di tres derota.
Jonathan Schoop djasabra di 4-0 ku tres ponche. Xander Bogaerts di 4-2 i dos strike-out i Jurickson Profar di 7-1 den dos partido, un kareda anotá i dos base por bola.
