Hende muhé a bèl pidi servisio di kran ku a basha muraya di Vanddis aden

WILLEMSTAD. – Tabata mardugá 31 di desèmber ku polis mester a duna asistensia na Vanddis Montaña pa un atrako brutal ku a tuma lugá. Konforme promé informashonnan verídiko, ta indiká ku den oranan di mardugá, un hende muhé a bèl e kompania pa servisio di kran. E adrès ku e persona femenino a indiká tabata Kaya Internet ku e mester di servisio di kran. Akinan e shofùr di e kran a keda sorprendé pa tres hòmber armá kara tapá i nan ta kita e kran for di dje. Un ratu despues ta drenta informashon ku un kran a basha muraya di Vanndis Montaña aden. Segun informashon di polis, t’asina ku e kran a yega na Vanddis i un di e hòmbernan a baha for di e kran.
Na mes momentu ya e kran tabata bèk kaba ku velosidat haltu i basha e muraya aden. E tres hombernan a drenta den e lugá i a kue tur loke ku nan por a kue na plaka i bandoná e sitio. No ta konosí ku kiko e tres hòmbernan a hui. E kran a keda na e sitio. E kahera a keda den shòk.

SHARE

LEAVE A REPLY