WILLEMSTAD. – Ayera a surgi un situashon ku e sistema di IT di e kompania di aviashon American Ailrines ku a obligá nan tene tur nan avionnan na tera. E situashon aki a dura mas o ménos un ora i mei, ora ku nan a resolvé e situashon, e kompania a duna lus bèrdè pa kontinuá tur buelo.
E problema aki a sòru pa un situashon fèrfelu pa pasaheronan, pa motibu ku 1.200 buelo a sufri retraso.
Otro kompanianan grandi manera United Airlines, Delta Airlines i Southwest Airlines, no a reportá niun situashon ku nan sistema.
