TOKYO, AP.- Djadumingu Tokyo a skohe su promé gobernador pa enkabesá e siudat miéntras esaki ta prepará pa anfitrion e weganan olímpiko 2020. E elektornan a opta pa un lider ku a primintí un polítika limpi despues ku dos antesesor a renunsiá pa skandal di sèn.
Manera e sera e sentronan di votashon, a deklará Yuriko Koike komo ganadó. E lo ta na kargo di un kapital di ekspanshon kaminda mas di 13 mion persona ta biba i lo atministrá un presupuesto anual mas grandi ku esun di Suesia.
Koike, di 64 aña, tabata minister di defensa, e promé muhé pa okupá e kargo ei na Hapon.
E mester a kompetí pa elekshonnan aki sin respaldo ofisial di e partido gobernante Partido Liberal Demokrátiko.
Durante su kampaña e tabata bisti bèrdè pa simbolisá su freskura i a pidi su simpatisadónan pa usa e mesun koló aki.
Un di e promé obligashonnan ku e lo tin ta pa biaha pa Weganan di Rio de Janeiro komo representante di e siudat ku ta anfitriona di e próksimo Wega Olímpiko.