BOGOTÁ, AP.- Vários pais europeo importante ta konsiderando pa introdusí sanshon kontra Nicolas Maduro i algun funshonario haltu na Venezuela. Esaki ta un akshon di e medidanan adoptá resientemente kontra opositornan polítiko, ounke ainda tin divishon tokante si esaki ta oportuno, dor ku e medidanan por stroba e negosiashonnan pa saka e pais for di e krísis aktual, segun fuentenan di The Associated Press.
Un grupo básiko di sinku pais, Alemania, Spaña, Fransia, Gran Bretaña i Ulanda ta kontemplando restrikshonnan finansiero i di biahe promé ku proponé esaki na Konseho Europeo, segun diplomátiko i miembronan di oposishon venezolano.
Ounke Maduro ta un di e funshonarionan ku por wòrdu kondena, e paisnan no a tuma un desishon final. Ainda e grupo mester superá e divishon interno promé ku presentá e proposishon formal na e rama ehekutivo di UE.
Despues di tres ròndu di kombersashon na Noruega, oposishon no a aseptá un terser ròndu programa pa otro siman na Barbados.
Guaido, rekonosé komo presidente interino di Venezuela a primintí ku e negosiashonnan no ta kontinuá si Maduro no ta dispuesto na realisá elekshon presidensial antisipá.
