BEIJING, AP.- Saudi Arabia a sera akseso na dos sitio sagrado di islam, Sur Korea a reforsá sanshon kontra tur ku violá reglanan di karentena i aeropuertonan na Latinoamérika tabata purbando di detektá señal di e enfermedat entre pasaheronan djaweps.

Ku e yegada di COVID-19 den un di seis kontinente e miedu a kombertí den pániko den algun sektor i a oumentá e temor ku ningun parti di mundu no ta inmuno kontra propagashon di e enfermedat.

Segun e vírus a sigui ekspandé den Europa i Medio Oriente, Suramérika a registrá su promé kaso. E pais a kanselá vários buelo i reforsá kontrolnan na frontera. Pero gobernantenan rònt mundu ta puntra nan mes kon por para un enfermedat ku ta infektá otronan fásilmente i ta mustra dispuesto na hasi loke sea pa protehá nan pueblo i ekonomia.

E promé minister hapones Shinzo Abe a duna òrdu pa suspendé tur lès durante vários siman. E desishon aki a afektá 12,8 mion studiante.

Perú a sòru pa desplasá spesialistanan durante 24 ora na su aeropuerto prinsipal, Argentina a kuminsá midi temperatura di tur pasahero i El Salvador a prohibí entrada pa pasaheronan di Italia i Surkorea.

Colombia, kual ainda no a reportá ningun kaso di infekshon, a rekordá e pueblo ku e multa pa violá e medidanan di karentena ta inkluí ocho aña den prizòn.

LAGA UN KOMENTARIO

Please enter your comment!
Please enter your name here