Pakistan ta sigurá ku Merka i Iran ke baha tenshon

Barkunan na wèrf di e haf mediteráneo Damietta

TEHRAN, IRAN, AFP.- Pakistan, mediadó entre Washington i Tehran, a bisa djaweps ku ámbos pais ke baha tenshon. E kòmbersashonnan ta tuma lugá despues ku Merka a lansa un andanada di atake intenso kontra Iran, pa motibu di e atake di Iran kontra Hordania.
Despues di un break di kasi un siman, e atakenan a intensifiká e konflikto atrobe. Esaki a afektá otro paisnan tambe manera Egipto.
Djárason, Merka i Saudi Arabia a bombardiá gruponan pro iraní na Irak. Un dia despues, Egipto a bisa ku un atake ku drone a provoká un kandela riba dos barku den haf di Damietta, na nort di e pais. Un di e barkunan tabata merikano.
E bosero di Kansieria di Pakistan, Tahir Andrabi a bisa ku su pais ta hasiendo “tur kos posibel pa reaktiva e protokòl di e akuerdo firma den yüni. E akuerdo lo kuminsá ku negosiashonnan di pas di tur dos parti.
Sin embargo, e proseso aki a kai na awa despues di atakenan di Merka kontra Iran, i tambe represaya di Tehran kontra paisnan aliado di Washington. Algun aliado di Washington ta monarkianan di e Golfo òf Hordania.
E sentro di e desakuerdo ta Estrecho di Hormuz. Iran tin esaki blòkia desde komienso di e konflikto.