ISLAMABAD, PAKISTAN, AFP.- Sentenáres di pakistaninan desesperá a invadí un sentro di vakunashon di gobièrnu den sentro di e kapital djaluna, segun e nashon ta lucha ku skarsedat di vakunanan, ounke e kasonan di infekshon ta bahando.

Mayoria di esnan ku kier haña e vakuna ta pakistaninan ku ta traha den eksterior, prinsipalmente di Nashonnan di Golfo Árabe manera Saudi Arabia. Nan mester di e vakuna di AstraZeneca a biaha den e regionnan aki.

Pakistan, kual tin un poblashon di 220 hende, a vakuná alrededor di 12 mion hende parsialmente òf kompletamente. Mayoria di e vakunashonnan a sosodé ku e marka chines Sinopharm òf Sinovac.

Sinembargo, mayoria nashon di Golfo ta rekerí pa trahadónan di eksterior ta vakuna ku AstraZeneca òf Pfizer, kual ta skars den Pakistan.

Un grupo di sentenáres a invadí un sentro di vakunashon, kibrando e portanan di glas pa drenta e edifisio. Pakistan a haña 1.2 vakuna di AstraZeneca di e akuerdo di Covax.

 

LAGA UN KOMENTARIO

Please enter your comment!
Please enter your name here