RAMALA, MÁRGEN OKSIDENTAL, AP.- Palestinonan a atvertí Merka djasabra pa no rekonosé Herusalèm komo kapital di Israel.
“Mundu lo paga karu” si Merka kambia su polítika aktual, segun Mahmud Habash, asesor di presidente palestino Mahmud Abbas.
Fuentenan di presidente Donald Trump na Washington ta bisa ku Trump ta konsiderando pa rekonosé Herusalèm komo kapital israelí, den kompensashon ku e no por a kumpli ku su promesa di kampaña di muda e embahada merikano einan.
Israel ta konsiderá Herusalèm komo su kapital, ounke práktikamente tur sobrá pais ta bisa ku e asuntu mester wòrdu resolvé mediante negosiashon ku palestinonan, kende ta deseá e sektor oriental komo kapital.
