WILLEMSTAD – Ayera habitantenan di Cabimasweg a bèl polis pa un palu di lus ku a kai. Ta bisto ku e palu a putri i no por a wanta e peso mas di e kantidat di kabelnan ku ta pasa riba dje. Ta normal aki na Kòrsou ku palunan di lus ta karga kabel no solamente di koriente Aqualectra, pero di tur kompania di Internèt, manera Flow, Digicel i otronan. Esaki a krea un situashon peligroso i p’esei a yama outoridatnan kompetente pa atendé ku situashon.
