WILLEMSTAD.- Den oranan di mèrdia sentral di polis a risibí notifikashon ku tin un palu di koriente di vòltahe haltu a kèntel i ta formando peliger riba kaminda Hose Liberia. Sentral a dirigí unidat di Montaña na e sitio pa tuma nota di e situashon. Mirando e seriedat di e situashon nan a opta pa será e kaya di forma ku niun vehíkulo por a pasa. A pidi personal di Aqualectra ku urgensia pa yega na e sitio i asina hasi e trabounan nesesario pa remediá e situashon. E trabounan a dura vários ora i ta te den oranan lat di atardi polisnan a habri e kaminda bèk.
