SIUDAT DI PANAMA, AFP.- Panama a retirá kredensialnan diplomátiko di e embahador venezolano designá pa e lider opositor Juan Guaidó, rekonosé komo presidente di Venezuela pa mitar sentenar pais, ounke sin rekonosé presidente Nicolás Maduro.
A anunsiá e desishon aki djaweps mediante e kansieria panameño.
“Panama a pidi señora Fabiola Zavarce pa debolbé e kredensialnan diplomátiko ku ta akredit’é komo embahador di República Bolivariano di Venezuela den Repúblika den e pais”, segun e karta. E karta konfirmá pa kansieria di Panama no a detayá motibu pa e desishon aki.
Panama, meskos ku vários pais mas no ta rekonosé e gobièrnu di Maduro den Caracas ni e resultadonan di elekshon legislativo venezolano di desèmber último pa motibu ku esaki no a konta “ku un proseso demokrátiko”.
Zavarce, designá pa Guaidó a entregá su kartanan kredensial na e eks presidente panameño, Juan Carlos Varela na aña 2019, kende a risibí su despacho na sede di e gobièrnu.
