PANAMA, AP.- Presidente di Panama a bisa ku e ta spera di konsolidá un frente komun ku e embahador designá pa e presidente outoproklamá interino di Venezuela Juan Guaidó pa buska huntu ku vários otro nashon un salida pasífiko di e krísis humanitario di e nashon suramerikano.

Juan Carlos Varela a formulá su komentarionan riba retnan sosial ora el a risibí e kredensialnan di Fabiola Zavarce den kas presidensial durante un akto kalifiká pa gobièrnu komo simbóliko, puesto ku e venezolano diplomátiko no a asumí den propiedat di embahada di su pais na Panama, ku ta sigui bou di mando di embahador nombra pa Nicolás Maduro.

Panama ta suma na otro nashonnan latinoamerikano manera Colombia, Honduras i Guatemala i tambe Merka ku a duna akreditashon na diplomátikonan manera Guiadó. E paisnan aki ta forma parti di un grupo di por lo ménos 50 ku ta rekonosé tambe e lider opositor di parlamento venezolano, kontrolá pa oposishon, komo presidente legítimo di e nashon petrolero.

LAGA UN KOMENTARIO

Please enter your comment!
Please enter your name here