SIUDAT DI PANAMA, PANAMA, AFP.- E gobièrnu di Panama a habri sektornan di konstrukshon, mineria i industria djaluna, kual tabata inaktivo dor di e ‘lockdow’n pa kombatí COVID-19. Esaki ta un intento pa evitá ku e pais ta kolèps ekonómikamente.
E medidanan a wòrdu apliká apesar ku e pais su kantidat di infekshon i mortonan den Sentroamerika ta haltu, ku mas di 13.000 infekshon i 336 morto pa e Coronavirus nobo, un tasa mortal di 2,5% pa un pais di kuater mion habitante.
E minister di salú, Rosario Turner, a rekonosé ku e intenshon pa habri e sektornan ta pa evitá ku e ekonomia ta kolèps i pa preservá pas sosial den balanse ku salú di e pueblo.
