CIUDAD DE PANAMA (AFP).- Presidente di Panamá, José Raúl Mulino, ayera a nenga ku e maniobranan militar ku ehérsito di Merka ta realisá den e pais sentroamerikano ta relashoná ku “kualke akto hostil kontra di Venezuela”. Durante dje aña’ki, militarnan norteamerikano a realisá ehersisionan di supervivensia i táktiko di kombate den selva panameño di Darien, na frontera ku Colombia, i na un base polisial na e kosta di Karibe. E ehersisionan a kana pareu ku e operativo di Merka kontra di tráfiko di droga den Karibe i Pasífiko, i ku Venezuela a insistí ku e intenshon ta pa deroká e presidente Nicolas Maduro.
“Panamá no ta fia su teritorio pa ningun di akto hostil kontra di Venezuela ni kontra di ningun otro pais di mundu”, segun Mulino a bisa ayera. E mandatario a respondé na un periodista ku a kuestioná e presensia di militarnan norteamerikano na Panamá i si esei ta relashoná kue preshon ehersé di parti di Merka riba Venezuela pa e tema di narkotráfiko”.
“Esun no tin nada di aber ku e otro”, Mulino a sigurá. E presensia naval norteamerikano den Karibe a keda anunsiá despues ku Washington a akusá Maduro di ta enkabesá gruponan di droga.
