WILLEMSTAD – Awe mainta den tabatin un pániko total den bario di Suffisant i pa ta mas spesífiko den Marowijnestraat pa un mucha di 3 aña di edat ku tabata pèrdí. Segun informashon no ofisial Sentral di polis a risibí yamada pa un asistensia serka mayornan di e hóben pèrdí. E mayornan no por a haña e yu niun kaminda. Un batayon di polis a yega mesora na e kas i kuminsá ku un búskeda intenso. Loke a spanta tur hende ta ku un di e portanan di kas tabata habri. A kuminsá ku e búskeda den kayanan ei banda i mas leu den bario sin por topa ku e mucha di 3 aña. Despues a disidí di bolbe buska bon den e kas i a bin topa yu drumi den un baki di paña bou di yen otro paña. Importante ta ku al final tabatin un desenlase felis.
