CIUDAD DI VATIKANO (AFP).- Papa Francisco, hospitalisá pa un neumonia, ta sigui den kondishon krítiko i ta haña oksígeno, pero te ku ayera nochi no a bolbe presentá un krísis respiratorio manera si a tuma lugá djasabra den dia.
“E sistema kompleho den kuadro klíniko i e echo ku mester warda pa e terapianan di remedi tin nan efekto, ta trese kuné ku mester bai poko poko ku pronóstiko”, segun un boletin publiká ayera tardi.
E papa argentino, di 88 aña, mester a haña transfushon di sanger pa subi su nivel di hemoglobina. Dòkternan te ku ayera tardi a bisa ku su kondishon ta stabil. Pero algun tèst di sanger a mustra ku tin poko problema ku nir.
E kabesante di iglesia katóliko su kondishon ta di preokupashon.
