SIUDAT DI VATIKANO (AFP).- Papa Leon XIV ayera a hasi un yamada pa pone fin na e “pandemia di arma” ku tur dia di nobo na nivel mundial ta mata “un kantidat grandi di mucha”. E pontífise norteamerikano a hasi su yamada na final dje orashon di Angelus, pidiendo pa para e guera den Ukrania despues dje atake ruso riba Kiev djaweps último. Den e atake ei por lo ménos 25 persona a pèrdè nan bida, di kua kuater ta mucha.
Mas aleu papa a rekordá e tiroteo di djárason último den un skol na Minnesota, Merka, den kua dos mucha a keda asesiná.
“Laga nos hinka den nos orashon e kantidat grandi di mucha matá òf heridá kada dia di nobo rònt mundu. “Nos ta roga na Dios pa para e pandemia di arma”, segun Papa a bisa.
Relashoná ku Ukrania, Papa a pidi pa mundu “no sukumbí pa e indiferensia” i a renobá su “yamada insistente pa para e guera i start un kompromiso di diálogo”.
“Ta momento pa esnan responsabel renunsiá na e lógika di arma i habri kaminda pa negosiashon i pas, ku apoyo di komunidat internashonal”, segun el a bisa.
