BOGOTA, COLOMBIA, AP.- Banko di Repúblika a pone e papel nobo di 50.000 persona den sirkulashon djabièrnè, ku e imágen di e eskritor kolombiano i premio Nobel di Literatura Gabriel Garcia Marquez.
E papel nobo, ekivalente na 17,3 dòler, tin imágen di un outor di “shen aña di soledat” i patras tin e figura di pueblo indígena di Ciudad Perdida, na Sierra Nevada di Santa Marta i den Karibe kolombiano.
E lansamentu ta realisá den haf di Santa Marta, ku asistensia di e maneho kompleto di Banko Sentral.
Garcia Marquez a nase den e pueblo kolombiano di Aracataca na 1927.
E alkalde di Aracataca, Pedro Sanchez, a bisa na ‘The Associated Press’ ku e “pueblo ta di fiesta pa homenahe ku ta hasiendo na Marquez, di parti di Banko di Repúblika.
El a agregá ku den oranan di mainta a hasi e lansamentu di e papel aki.
Konsiderá pa mayoria komo e kolombiano mas importante di tur tempu, tambe komo eskritor hispániko mas grandi den historia, despues di Miguel de Cervantes Saavedra, Garcia Marquez tabata rekonosé na 1982 ku e Premio Nobel di Literatura.Komo Periodista i outor di novelanan innumerabel, kaminda el a meskla fantasia ku realidat den Latinoamérika. Garcia Marquez a fayesé den Ciudad de México, dia 17 di aprel na aña 2014.
