FR ANKFURT, ALEMANIA, AP.- Banko Sentral Europeo a presentá un papel nobo di 50 euro komo parti di un programa kual su ophetivo ta pa kompliká falsifikashon di e moneda kompartí den 19 pais europeo.
E papel di 50 euro, ta esun mas usá di tur, i ta representá 45% di tur euro den sirkulashon.
BCE, ku tin outoridat monetario pa e problemanan di eurozona relashoná ku su moneda, a bisa ku e karakterístikanan di e papel ta hasi ku esaki ta bira mas safe. Entre nan tin e hologram di Europa, un figura di mitologia griego, un marka nobo di awa, i tambe un pintura bèrdè reflehante di esmeralda.
E papel nobo ta drenta den sirkulashon desde aprel otro aña.
