WILLEMSTAD.- Djadumingu atardi tabatin un parada organisá spesialmente pa Charayneli SintJacoba ku resientemente a keda korona komo ‘Little Meso America International 2019’ na El Salvador.
E parada a konta tambe ku partisipashon di Miss Universe Curaçao 2019, Kyrsha Attaf i Akisha Albert, Miss Universe Curaçao 2018 kendenan a kompaña Charayneli durante dje ruta.
Den otro vehíkulonan ku a sigui e outo prinsipal tabatin mas di nos ganadónan di sertámennan lokal. Dj Decky a pèrkurá pa e ambiente musikal. Na final dje parada riba Plasa Brion a sigui un homenahe pa Charayneli.
