PARAGUAY TA RETIRA SU EMBAHADOR NA VENEZUELA

ASUNCION (AP).- Paraguay ayera a disidí retirá su embahador na Venezuelaiadeklaráe representante diplomátiko venesolano persona non grata, den un eskalashon di e señalamentunan mutuo derivá di e bahamentu di presidente Fernando Lugo.

‘Debí na e evidensianan grave di intervenshon di parti di funshonarionan di e repúblika bolivariano di Venezuela den asuntunan interno di e repúblika di Paraguay, e ministerio di Relashonnan Eksterior ta kumpli ku informá ku el a disidí retirá su embahador’, asina e kansieria a bisa den un komunikado.

Ta referí na e órden ku a emití pa embahador Augusto Ocampos bandoná Caracas.

E embahador di gobièrnu di Hugo Chávez na Asunción, José F. Javier Arrúe de Pablo, a wòrdu yamá pa konsultanan un siman pasá. El a wòrdu deklará ‘persona non grata’ i komo ‘e no ta den e pais aktualmente, ta resultá innesesario fiha un plaso pa e bandoná e pais’.

E distansiamentu entre Paraguay i Venezuela tabatin su orígen ora Senado a baha Lugo dia 22 di yüni den un huisio polítiko aselerá pa e kargo di mal desempeño den su funshonnan.

E visepresidente Federico Franco a wòrdu nombrá pa kompletá e mandato di Poder Ehekutivo te ku dia 15 di ougùstùs di 2013.

E èks embahador venesolano den Nashonnan Uní, Milos Alcalay, a opiná ku tabata previsibel ku Paraguay ta retirá su embahador na Caracas pa resiprosidat.

E èks diplomátiko a bisa ku e gobièrnu di Chávez ‘kier a kopia’ na Paraguay e modèl di intervenshon aktivo ku tabatin despues di e gòlpi kontra dje gobernante hondureño, Manuel Zelaya na 2009, pero algun aliado manera Uruguay ‘a tuma distansia di e posishon, di e partisipashon aki’. Mercosur i Unasur a suspendé Paraguay komo miembro pleno te ora ku realisá e elekshonnan general na aprel di 2013, pero Venezuela en partikular a anunsiá e redukshon di suministro di disel atraves di un kombenio vigente