PARIS, AP.- E monumentonan na Paris ta habriendo su portanan, e trahadónan di limpiesa ta labrando riba kaya i doñonan di vários tienda ta purbando di restourá normalidat den e siudat, despues ku protestanan nobo i disturbionan a laga 71 herido den e kapital franses i kousa daño ekstenso.

E presidente franses Emmanuel Macron a kibra su silensio pa ekspresá su apresio na polis. Ademas, el a sigui wòrdu preshoná pa proponé solushonnan nobo pa kalma e furia ku ta dividí e pais.

E kantidat di herido na Paris i sobra parti di e nashon tabata ménos kompará ku e disturbio di un siman pasa. Pero e despliegue polisial den Fransia no a kambia e posishon di e manifestantenan. 125.000 a sali riba kaya den e pais kompleto ku un serie di demanda, relashoná ku e kosto di bida i krítikanan ku Macron ta faboresé e grupo élite i ku e ta purbando di modernisá e ekonomia demasiado lihé.

1.220 persona a wòrdu detené na diferente parti di e pais, segun indikashon di e ministerio di Interior djadumingu. Polis a revisá manifestantenan na stashonnan di trein den diferente siudat i a konfiská tur opheto ku por a wòrdu usa komo arma.

Eiffel i Museo Louvre a wòrdu habri djadumingu despues di sera komo prekoushon pa e protestanan.

A bank with windows smashed is pictured in Paris, Sunday, Dec. 9, 2018. Paris monuments reopened, cleanup workers cleared debris and shop owners tried to put the city on its feet again Sunday, after running battles between yellow-vested protesters and riot police left 71 injured and caused widespread damage to the French capital. (AP Photo/Christophe Ena)

LAGA UN KOMENTARIO

Please enter your comment!
Please enter your name here