PARIS, FRANSIA, AFP.- Toulouse lo subi e lista di siudatnan franses ku ta hasi uso di masker di aire liber obligatorio. Paris a pidi pa hasi esaki solamente na algun sitio públiko den e kapital.
E desishon ta pa motibu ku e kasonan di infekshon a subi den e pais, spesialmente entre hóbennan di 20 i 30 aña, segun outoridat di salú.
E alkaldesa Anne Hidalgo a pidi pa uso di masker bira obligatorio na algun sitio públiko. E sugerensianan ta inkluí e brùgnan riba Seine, merkadonan den aire liber i alrededor di stashonnan di trein.
E konseho sientífiko a informá na outoridat djamars ku e kasonan di COVID-19 por bolbe oumentá den e pais. “Fransia su situashon ta bou di kontrol pero frágil”, i agregá ku probablemente lo registrá un oumento den kasonan di Corona vírus den hèrfst i wenter. Te ainda 30.294 persona a muri di COVID-19.
