PARIS, FRANSIA, AFP.- Fransia a bolbe hinka Paris i otro regionnan den ‘lockdown’ pa di tres biaha desde djabièrnè meianochi durante por lo ménos u luna pa purba kontené e terser ola di Corona vírus, kual tin hospitalnan kompletamente yen.

Tur negoshi no esensial lo bolbe sera nan porta i lo restringí tur trafikashon den regionnan afektá, pero skolnan si ta keda habrí i lo permití ehersisio den aire liber te ku 10 kilometer leu fo’i kas.

Aparte di Paris, kual tin 12 mion habitante, lo sera otro teritorionan afektá kual ta inkluí e parti nort di e pais kaminda tin Lille, Alpes-Maritimes i French Riviera.

E medidanan aki lo keda vigente durante por lo ménos kuater siman i por ekstendé den otro regionnan si e situashon deteriorá, segun indikashon di e promé minister Jean Castex.

Despues di dos ‘lockdown’ nashonal ku a paralisá e ekonomia, e ehekutivo ta enfokando pa imponé ‘lockdown’ den sierto teritorio i no e nashon kompleto. Pero asina mes e ‘lockdown’ nobo lo kosta e Estado 1.200 mion euro, segun sifranan di e ministerio di Ekonomia.

 

LAGA UN KOMENTARIO

Please enter your comment!
Please enter your name here